Автомобиль йўлларида транспорт оқимининг таркибини ва ҳаракатланиш жадаллигини аниқлашга мўлжалланган.

Ҳаракатланиш тасмаларининг видео тасвири орқали автоматик тарзда ўтаётган транспорт воситаларнинг сони, тури ва тезлиги аниқланади.

Кўчма лаборатория кузовига махкамланадиган пневмомачтага ўрнатилади. Кўчма лабораториясиз алохида штативда ишлаши ҳам мумкин.

Олинадиган ўлчампар: ҳаракатланиш жадаллиги, транспорт оқимининг 5 та гуруҳ бўйича таркиби, ҳаракатланиш тезлиги, автомобиллар орасидаги масофа. Автотранcпорт воситаларининг ўтиш вақти, куни амалдаги вақтга боғланади ва ҳисобот жадваллари тузилади.

Техник ҳусусиятлари:

• Транспорт воситаларининг асосий классификацияланган гуруҳи сони - 5
• Транспорт воситаларининг аниқланадиган максимал тезлиги – 160 км/соат.
• Назорат қилинадиган йўлнинг ҳаракатланиш тасмаларининг сони 4 тагача.
• Кучланиш - 12В

Дастур ўтаётган автомобиллар сонини қўлда ҳисоблашга мўлжалланган.

Ҳаракат жадаллиги ҳисоблаш дастури автотранспорт воситаларини категориялар бўйича тақсимлайди. "тугма" ни босганда ўтаётган автотранспорт воситаларининг сони алоҳида тоифалар бўйича, ҳамда умумий сони аниқланади. Ҳаракатланиш жадаллиги дастури рақамли индикатор билан таъминланган.

Дастур кўрсаткичларни тайёр техник ҳисобот шаклида олиш имконини беради.

Йўл конструкциясининг қатламларини аниқлаш учун ОКО-2» георадари асосида ер остини текшириш (зондирлаш) системаси ишлатилади. Текшириш (зондирлаш) чуқурлиги ишлатилаётган блокка қараб 1.5; 3.0; 15.0 м ни ташкил этади.

База сифатида «Логические системы» МЧЖ (Раменск ш.) да ишлаб чиқарилган “ОКО-2” георадари ишлатилади. Зондирлаш чуқурлиги уланган антенали блокнинг турига қараб аниқланади.

Йўл қопламаси равонлигини IRI ҳалқаро кўрсаткичи бўйича ўлчаш усули. Лаборатория автомашинасининг кузови тагига ўрнатилган лазерли датчиклар ва акселерометрлар билан жиҳозланган иккита моноблокдан иборат.

Рейка йўл қопламаси ва йўл ёқасининг кўндаланг ва бўйлама нишабликларини, ГОСТ 30412 бўйича автомобиль йўллари ва аэродромларнинг асоси ва қопламасининг нотекисликларини, қиялик, кўтарма ва ўймаларнинг нишаблигини ўлчашга мўлжалланган.

Қисқача таърифи: Нишабликларни ўлчаш қабариқ даражасини нўл ўрнига ўрнатиб ўлчаш шкаласидан ҳисоб олиш орқали бажарилади. Қопламанинг нотекислиги ГОСТ 30412-96 га асосан пона-ўлчагич билан ўлчанади. Йўл пойининг қиялик коэффициенти эклиметрнинг ўзи ўрнатилувчи шкаласи орқали аниқланади.

Йўл тўшамасининг бўйлама деформацияси кўрсатгичини аниқлашга мўлжалланган.

Йўл изини ўлчаш рейкасини очиқ ҳавода атроф муҳитнинг температураси -15°С дан 40°С гача бўлганда илатиш мумкин.

Ускуна қоплама равонлигини назорат қилиш, эгриларнинг радиусларини аниқлаш, йўл асосининг, қопламанинг, йўл четининг, йўл тўшамасининг устки қисмининг, кўтарма ва ўймаларнинг кўндаланг ва бўйлама нишабликларини, ер тўшамасини қиялиги коэффициентини аниқлашга мўлжалланган.

Қисқача таърифи: Фойдаланишда, ташиш ва сақлашда қулай. Ўлчаш қурилмаларини комплекс ва алоҳида ишлатиш мумкин. Йиғиш ва иш ҳолатига келтириш осон. Ускуна таркибига КП-231С рейкаси ва 2 дона КП-230С электрон курвиметр киради.

Қаттиқ қоплама устида ўлчаш ғилдираги ўтган масофани узунлигини ўлчашга мўлжалланган.

Ўлчаш асбобнинг ишчи ғилдирагини айлантириб, электрон индикатордан ҳисоб олиш билан бажарилади.

Ускуна асфальтбетонли ва цементбетонли қопламалардан керн олишга мўлжалланган. Олинган кернларни ўрганиш натижаларидан бажарилган йўл ишларининг сифатини назорат қилишда, қурилган ёки қайта қурилган йўлларни қабул қилишда, бажарилган ташхис қилиш ишларини текширишда фойдаланилади.

Асбоблар комплекти, ҳар хил маркерлаш материалларида бажарилган йўл ажратиш белгилари сифатини, иш жараёнида, қабул қилишда ва фойдаланиш вақтида назорат қилишга мўлжалланган.

Қисқача таърифи: Комплект, йўл ажратиш белгисини геометрик ўлчамларини, чизиш пайтидаги об-ҳаво шароитларини, материалларнинг харажатини, йўл ажратиш белгиларидан намуналар олишни, ранги ва ёруғликни қайтарилишини назорат қилиш бўйича энг кам керакли асбоб ва қурилмаларни ўз ичига олади. Комплект масштабли линейка, махсус маркерлаш доскачаси, йўл қисмини ва йўл ажратиш белгилари элементларини расмга олувчи фотоаппаратдан иборат.

Тишлашиш коэффициентини ўлчайдиган портатив асбоб ИКСп-м, автомобиль йўлларини қуриш ва таъмирлашда йўл қопламасининг ҳолатини даврий ва жорий назорат қилишда, тишлашиш коэффициентини ўлчаш учун мўлжалланган.

Асбоб блокировка қилинган автомобиль ғилдирагини йўл қопламасида силжишини тақлид қилади.

Асбобнинг ишлаш принципи автомобиль шинасини тақлид қилувчи башмакнинг, қопламага 45° бурчак остида бостирилган, ҳўлланган йўл қопламасида горизонтал силжиши кўрсаткичини аниқлашга асосланган. Тақлид қилиш башмагини юклаш ва силжитиш учун манба сифатида маълум бир баландликдан эркин тушаётган юкнинг маълум оғирлигининг кинетик энергияси ишлатилади. Ҳўлланган қоплпамага бостириладиган тақлид қилиш башмагининг горизонтал силжиш кўрсаткичи, унинг миқдорида асбобнинг хисоб шкаласи бўлакларга бўлинган тишлашиш коэффициентига боғлиқ.

Динамик зичликни ўлчовчи асбоб ер тўшамаси, қумли ва майда донали асфальтобетон қопламаси зичлигининг сифатини назорат қилишга мўлжалланган.

Қисқача таърифи: Зичланиш коэффициенти ўрганилаётган қатламга асбобнинг учини (наконечник) ботириш учун зарур бўлган стандарт баландликдан ташланадиган стандарт юкнинг сонига қараб шартли динамик қаршиликлар графиклари бўйича аниқланади. Асбоб учининг ботирилишини якунланиши динамик зонднинг ўзагидаги айланма кесимчалар ёки қулфнинг қулифлаш дастагининг овози бўйича аниқланади. Асбобнинг комлектига футляр, асбоб учининг захиралари, паспорти ва фойдаданиш йўриқномаси киради.

Пресс-штамп ИКН 05-2011 талабларига муофиқ таранг эгилишни аниқлаш мақсадида йўл тўшамасини статик синовдан ўтказишга мўлжалланган.

Пресс-штамп эгилишни ўлчаш асбоби билан биргаликда ишлатилади.

Пресс-штамп ёрдамида йўл тўшамасининг эгилиш модулини ҳисоблаш учун маълумотлар олиш мақсадида таранг эгилишни ўлчаш пайтида бериладиган босимнинг меъёрий кўрсаткичлари яратилади.

Пресс-штамп йўл-қурилиш материалларини сифатини назорат қилувчи лабораториялар, автомобиль йўлларини қуриш ва фойдаланиш корхоналари ва бошқа қурилиш ташкилотлари томонидан ишлатилиши мумкин.

ВСН 52-89 бўйича статик усулда синовдан ўтказишда йўл тўшамасининг қайтадиган эгилишини ўлчашга мўлжалланган.